Kæru félagar,
Ég vil byrja á því að þakka ykkur öllum fyrir að vera hluti af Íslandrover – öflugum og vaxandi Roverklúbbi þar sem áhersla er lögð á góðan félagsskap, öruggan akstur og ævintýri í íslenskri náttúru. Markmið klúbbsins er að sameina áhugafólk um Landrover bifreiðar, efla kunnáttu og virðingu fyrir landinu sem við ökum um, og skapa vettvang fyrir jákvæða og uppbyggilega samveru.
Við leggjum ríka áherslu á öryggi, samvinnu og gleði í hverri ferð. Hvort sem við erum að brjótast yfir ár eða grilla saman í lok dags, þá skiptir mestu að við höldum hópinn og njótum – með bros á vör og vinalegu viðhorfi.
Áfram Íslandrover – áfram góð ferðalög!
Íslandrover – við komum saman til að njóta samveru, skapa skemmtilegar stundir og kanna landið okkar á allskyns Roverum. Við ökum saman um fjöll og firnindi, förum yfir vötn og vegleysur með bros á vör, hjálpumst að þegar á þarf að halda og leggjum alltaf áherslu á öryggi, virðingu og jákvætt viðhorf. Hvort sem við erum á ferð í sól, rigningu eða snjó, þá er félagsskapurinn, ferðagleðin og sú upplifun sem við deilum það sem skiptir mestu máli.
Ferðin hófst við Olís í Norðlingaholti þar sem hópur Íslandrover-manna kom saman og hélt af stað í átt að Hvolsvelli. Þaðan var haldið að Drumbabót þar sem staldrað var við og svæðið skoðað. Næsti viðkomustaður var Gluggafoss í Fljótshlíð, þar sem náttúran tók á móti hópnum í allri sinni dýrð.
Frá Gluggafossi ók hópurinn áfram að Básum í Goðalandi. Þar var stutt stopp í votviðri áður en haldið var í grillveislu að Völlum II.
Í aðalstjórn eru skipaðir, formaður, ritari og gjaldkeri. Aðalstjórn er skipuð 6 mönnum til eins árs og varastjórn er skipuð 2 mönnum til eins árs.
Fylltu út formið hér að neðan. Við sendum svo greiðsluseðil í heimabanka.
